МАХДУМҚУЛИ

   Пайдо этар

Кимёни тупроққа сочсанг,
Тупроқдан зар пайдо этар –
Ҳар нарсани ерга сепсанг,
Йўқдан борни пайдо этар.

Яхши-ёмон бўлмас маълум,
Ҳар ким ўзича бир олим,
Бунда навбат сурса золим,
Йил-йилдан шўр пайдо этар.

Яхши йигит йўл йитирмас,
Кўнглига қайғу келтирмас,
Минг қайғу бир иш битирмас,
Таваккал – нар пайдо этар.

Бераринг бўлса қўлингда,
Кўрган сенга бўлар банда,
Хулқсизнинг ёви ёнинда,
Яхшилик – ёр пайдо этар.

Махтумқули, жонлар сўзда,
Ғайрат – ўтда, ҳаё – кўзда,
Йилдан-йилга бу ўлкада,
Зулм ортиб, зўр пайдо этар.

*****

(давоми бор)

Туркманчадан Ислом Холбой ўзбекчалаштирди