Дилмурод Саййид: Аёлим ва қизим автоҳалокати сабаблари очиқлансин

Дилмурод Саййид: Аёлим ва қизим автоҳалокати сабаблари очиқлансин
25 views
26 June 2018 - 10:19

Ҳуқуқ фаоли Дилмурод Сайид қамоқдалигида уни кўришга бораётган пайти автохалокатга учраган қизи ва рафиқаси иши юзасидан 25 июль куни Бош прокурор Отабек Муродовга очиқ хат ёзди.

«Мен шикоятимда бешта жиҳат ҳақида ёзгандим: Авариядан олдин прокуратура ходимлари томонидан авариядан олдин бўлган 5 яшар қизимга қилинган ҳаракат, нимага уларга чора кўрилмаганлиги, аёлимга тегишли сим карта орадан икки кун ўтиб, воқеа жойидан 200 км наридаги «Далный лагер» деган жойдан топилгани, аёлим олиб келаётган ҳужжатларнинг кўп қисми йўқолган, кейин воқеа содир бўлган жойда ГАИ ходимиман дея қўнғироқ қилган шахснинг кимлигига аниқлик киритилган эмас..» дейди Дилмурод Саййид «Элтуз» нашрига берган интервьюсида.

Очиқ хатида у яқинларининг сирли ҳалокати юзасидан прокуратурага билдирган шикоятига олган жавобидан қониқмаганини билдирган.

«Бу нарса янги иш сифатида ўрганилиши керак эди. Уларнинг жавоб хатида гўё мен улардан товон пули ундириш ҳақида ёзган бўлиб чиқаяпман», дейди ҳуқуқ фаоли.

Фожеа 2009 йилнинг 5 ноябрида, Дилмурод Сайиднинг қамалишидан бир кун ўтиб юз берган. Унинг яқинлари ўтирган автомобил билан юк машинаси тўқнашуви оқибатида рафиқаси Жуманова Барно ва вояга етмаган қизи Саидова Руҳшона ҳалок бўлган эди.

«Масалан мен бу ерда уюштирилган деган фикрдан йироқман, лекин улар уюштирилмаганини ҳам исбот қилиб бера олишмаган…» дейди ҳуқуқ фаоли «Элтуз» мухбири билан суҳбатида.

Шунингдек, Дилмурод Сайид бу хатни ёйинлашдан мақсади, прокуратурани ёпиқ қолаётган иш тафсилотларини очиқлашга, қонунни ҳурмат қилишга чақиришдан ташқари, воқеага жамоатчилик эътиборини қаратиш ҳам эканини айтади.

Манба: Eltuz.com