Бу ишни

Бу ишни
48 views
09 May 2019 - 9:00

 

 

     БУ ИШНИ

Банда, ёмон ишга ботирлик қилма,
Олдингга қўярлар ул кун бу ишни!
Нафсга ботма, шайтон йўлига кирма,
Хижолатга қўяр, билгин, бу ишни.

Нафсинг айтар: “Ургин, бу иш ҳузурдир!”
Жонинг айтар: “Ҳай-ҳай, Тангри ҳозирдир!”
Сен кўрмассан, Ул ҳамиша нозирдир,
Уялгин, иймангин, қўйгин бу ишни!

Бир йўлда гуноҳ бор, бир йўлда савоб,
Аросатда сендан сўрарлар жавоб.
Ҳалолга ҳисоб бор, ҳаромга – азоб,
Шак-шубҳа йўқ, ёдга солгин бу ишни!

Умрингнинг кечгани ёздир ҳар соат,
Не бўлар бу ёзда айласанг тоат?
Савобга шодлик бор, айбга – хижолат,
Бўйнингга олмагин, келгин, бу ишни!

Бошинг кўкка, кўксинг елга кўтарма,
Кўнглингнинг кўркига чўлни еттирма,
Юракда йўқ сўзни тилга келтирма,
Ихлос қулоғига чалгин бу ишни!

Мусофирсан, муқим ишинг қурарсан,
Бебақо дунёда қанча турарсан,
Бунда не иш этсанг, анда кўрарсан –
Яхшидир, ёмондир, ул кун бу ишни.

Шайтон айтар: “Ширин ишдир азагўй!”
Раҳмон айтар: “Нафс умидин узагўй!”
Махдумқули: “Тур, қўлингни кўзга қўй,
Агар туза билсанг, қилгил бу ишни!”

МАХДУМҚУЛИ
* * *
Туркманчадан Ислом Холбой ўзбекчалаштирди

facebook.com