Кўзламайин бўларми

Кўзламайин бўларми
44 views
15 May 2019 - 9:00

 

 

КЎЗЛАМАЙИН БЎЛАРМИ

Бир каклик олдирса полапонини,
Сайрай-сайрай, кўзламайин бўларми?
Бир булбул йитирса ол лоласини,
Ҳасратидан жаврамайин бўларми?

Эшак қамровидан чиқса хўтиги,
Термулиб тўрт ёнга солар кўзини,
Оқмоя олдирса бўталоғини,
Бағрин бузиб, бўзламайин бўларми?

Бир жайроннинг қурдга тушса улоғи,
Сасидан ер тепар, тикдир қулоғи,
Кўзидан оқади қонли булоғи,
Марай-марай, изламайин бўларми?

Оқсоқнинг қўлидан олсанг ҳассасин,
Ёмон дардга тушар, топмас оёғин,
Кучли бир душманга тушса ғунажин,
Бузоғини яширмайин бўларми?

Айрилиққа одам ўғли найласин?
Ким қолар тотмаган ажал оғусин,
Махдумқули, ҳайвон билса боласин,
Инсон бағрин тузламайин бўларми?

МАХДУМҚУЛИ
* * *
Туркманчадан Ислом Холбой ўзбекчалаштирди

facebook.com