Суймишам сени

Суймишам сени
93 views
04 June 2019 - 5:00

 

 

     СУЙМИШАМ СЕНИ

Ё ҳабиб, Ҳақ Расулисан,
Чин жондан суймишам сени,
Дарвешлар қадр кечасин
Суйгандек суймишам сени.

Айлабон сайру сайронни,
Гашт этсам кулли Эронни,
Мисли Иброҳим Сорани
Суйгандек суймишам сени.

Ёқуб юрт этди Канонни,
Ўғлидир Миср султони,
Мисли Юсуф Зулайхони
Суйгандек суймишам сени.

Ёлғончини тутди оти,
Улардир ишқнинг бунёди,
Мажнун Лайли паризодни
Суйгандек суймишам сени.

Қидириб тоғу дарани,
Топмаган бири-бирини,
Ошиқ Фарҳод Ширинини
Суйгандек суймишам сени.

Эгди мени дунё моли,
Бўлмади ишқим камоли,
Сайфулмалик Моҳжамолни
Суйгандек суймишам сени.

Босди муҳаббат нишони,
Гашт айлади тўрт кошонни,
Яманда Варқо Гулшанни
Суйгандек суймишам сени.

Кетди қўлдан ихтиёри,
Қолмади сабру қарори,
Ошиқ Наврўз Гулфархорни
Суйгандек суймишам сени.

Бир кун йўлиқдилар Хизра,
Турдилар ниёз, назира,
Бир-бирини Вомиқ, Узро
Суйгандек суймишам сени.

Кездилар Румнинг тузини,
Бердилар Ҳақнинг назрини,
Кўкларда Моҳлар Осмонни
Суйгандек суймишам сени.

Тутмади улар дунёни,
Қолмади ёру ёрони,
Мисли ул Тоҳир Зуҳрони
Суйгандек суймишам сени.

Бу дунё хушлабди кимни,
Хуш тутинг беш кунлик дамни,
Ошиқ Ғариб Шоҳсанамни
Суйгандек суймишам сени.

Махдумқули, дунё фони(й),
Рустаму Достонлар қани?
Ой – қуёш, замин – осмонни
Суйгандек суймишам сени.

МАХДУМҚУЛИ
* * *
Туркманчадан Ислом Холбой ўзбекчалаштирди

facebook.com