Темирдан гўзаллик чиқарган Хоразмлик йигит

Темирдан гўзаллик чиқарган Хоразмлик йигит
43 views
22 June 2019 - 12:55

Урганч туманида истиқомат қилувчи Жасурбек Яқубовнинг тишлари темирчилик устахонасида чиққан десак асло муболаға бўлмайди. У кичкиналигиданоқ бобоси Райимберган ота ва отаси Мақсуд акаларнинг темирга ишлов бериб, ундан турли буюмлар ясаш жараёнини кўриб ҳайратга тушарди.

Болалигидан сал бўш қолиши билан отасининг устахонасига бориб отасидан темирчилик ҳунарининг сир асрорларини ўрганишга ҳаракат қилди. У фақат отасидан ўрганганларига қаноат қилиб қолмасдан ўз устида доимо ишлаб, изланиб ҳар бир ясаган буюмини ҳақиқий санъат асари даражасига етказиб, мижозларнинг кўзини қувонтиришга бор маҳоратини ишга солади.

У доимо ўзининг шахсий устахонаси бўлиши, устахонасида энг сўнги русумдаги жиҳозлар бўлишини орзу қиларди. Ўтган йили уч ака ука “Райимбой темирчи уста” оилавий корхонасини ташкил қилиб, ёшлар иттифоқига “ёшлар келажагимиз” давлат дастури доираси имтиёзли кредит сўраб мурожаат қилган эди. орадан сал ўтмай ижобий жавоб олди….Бугунги кунда ушбу устахонада 8 нафар киши доимий иш билан таъминланган, бундан ташқари 10 ортиқ шогирдлар темирчилик ҳунарини сир асрорларини ўрганиб келмоқдалар.

-Очиғи, имтиёзли кредит сўраб ёшлар иттифоқига борганимда ишимни битишига унчалик ишонганим йўқ эди! Бироқ туман кенгаши раиси Ўткир оға ва жамғарма раиси Санъат оғалар мени мақсадим билан танишган устахонамизга келиб қилаётган ишларим билан танишишди ва барча керакли ҳужжатларни тайёрлашда амалий ёрдам кўрсатишди. Уларнинг амалий ёрдами Президентимизнинг шарофати ва биз ёшларга бераётган имтиёзлари ва эътибори туфайли биз фаолиятимиз анча кенгайтирдик, янги иш ўринлари яратдик.

 

Ҳозирги кунда 50 дан ортиқ турли темирдан ясалган маҳсулотлар ишлаб чиқариш билан бир қаторда автомобилларни кузовини таъмирлаш устахонасини ҳам ташкил қилдик. Йил охирига қадар МДФ эшиклар ишлаб чиққаришни ҳам йўлга қўймоқчимиз. Бу эса камида яна 6 нафар тенгдошларимни доимий иш билан таъминлаш дегани!

Қўлингда яхши ҳунаринг бўлса, доимо ўз малакангни ошириб борсанг, мижозлар сони кўпайиб бораверади. Мижозларнинг кўпайиши эса даромаднинг ошишишига олиб келади.

Демак ҳаммаси ўз қўлимизда!

Давлат Назар
Урганч