“СУҲБАТ”ГА ЧАҚИРИШЯПТИ

“СУҲБАТ”ГА ЧАҚИРИШЯПТИ
60 views
18 September 2019 - 12:26

Кеча (2019 йил 16 сентябрь куни) кечқурун ўзини “Тўқимачи” маҳалласи (мен истиқомат қиладиган маҳалла) участка инспектори Саъдулла, деб таништирган йигит қўл телефонимга +998974424441 рақамидан қўнғироқ қилиб, участка хонасига келиб кетишимни сўради. “Сабаб нима?” – десам, “Суҳбатлашишимиз керак. Сиз бизда учётдасиз, келишингиз керак” – деди.

Менга белгиланган суд жазоси шу йил 28 июль куни битди. Ўтган 14 ой давомида Яккасарой тумании ИИБда ҳар ой ҳисобот топшириб борганман. “Муддатим битиб бўлган-ку” – десам, Саъдулла: “Барибир суҳбатлашишимиз керак” – деди. Кеча соат 21.00да участка хонасига борсам, Саъдулланинг ўзи йўқ эди.

Бугун, таҳминан ярим соат олдин (17 сентябрь соат 18:15 ларда), Саъдулла уйимга қўнғироқ қилиб, яна хонасига чақирди. Секин бориб, участка пункти атрофларини ўргансам, пункт олдида давлат рақами 01 493 VSF автомобили (автомобилнинг олди эшигига 253 рақами туширилган), хонада “Миллий Гвардия”нинг икки аскари, фуқаролик кийимидаги яна икки киши, Саъдулла ва унинг ёрдамчиси Равшан Эрназаров ўтиришибди экан. Икки инспектордан бошқа ҳаммаси (жами тўрт киши) “доставка” (разработкага олиниши керак бўлган ёки гумонланувчи одамни РОВД ёки бошқа идораларга етказиб бериш) гуруҳига ўхшади.

Индамай уйга қайтдим. Қўнғироқларини кутяпман. Менга қарши бир фитнани бошлашган, кўринади.

Алоқада бўлиб турайлик!

Бобомурод АБДУЛЛА

2019 йил 17 сентябрь, соат 19:01