Зулм машинасини тўхтатинг

Зулм машинасини тўхтатинг
96 views
24 September 2019 - 14:23

ЗУЛМ МАШИНАСИНИ ТЎХТАТИНГ

Ғишт жойидан кўчиб, хўрлик ва адолатсизликка чора истаб Маҳмуд Ражаб йўлга тушганидан сўнг икки ҳоким унинг ёнига келиб муаммоларни ечишга ваъда беришди. Маҳмуд Ражаб уларнинг алдовига ишонмади, чунки бу каби ёлғон ваъдалардан Маҳмуд Ражаб ҳам, ҳалқ ҳам тўйганди.

ИИБ бошлиғи (генерал-майор унвонидаги шахс) йўлдан қайтармоқчи бўлди, бунга ҳам Маҳмуд Ражаб рози бўлмади.

Генерал унинг “барча истаган нарсаси”ни бажаришга ваъда берди. Аммо Маҳмуд Ражаб бунга рози бўлмади. Бу генерал сўзида туриб, ваъдасини бажариши ҳам мумкин ва шу билан Маҳмуд ака иши “тинчиб” ҳам кетар эди. Кўплар Маҳмуд Ражабни ўзини оиласини ўйлаб “рози бўлмади, мақсади бошқа экан”, деб тана тошини отмоқдалар.

Маҳмуд Ражаб рози бўлмасдан тўғри қилди.

Негаки у ўзи учун эмас, миллати учун, адолат учун йўлга чиққан эди.

Ҳукумат учун ҳали ҳам кеч эмас, халқ адолат истаб йўлга чиқса ҳукумат нима қилса ҳам уни тўхтата олмайди. Бекорга буюк адибимиз Чўлпон “Халқ денгиздир, Халк тўлқиндир, Халқ кучдир”, деб ҳайқирмаган.

Сизлар вақт борида кескин бурилиш ясаб ҳалқ келажаги учун ҳаракат қилинг.

Маҳмуд Ражабни, Шабнам Оллошукурова ва бошқа ватандошларни озод қилинг.

Зулм машинангизни тўхтатинг.

Дўстназар Худойназар