81 ЙИЛ АВВАЛ — 1938 ЙИЛНИНГ 4-7 ОКТЯБРИДА МИЛЛАТИМИЗНИНГ БУЮК ФАРЗАНДЛАРИ ҚАТЛ ЭТИЛГАН ЭДИ

81 ЙИЛ АВВАЛ — 1938 ЙИЛНИНГ 4-7 ОКТЯБРИДА МИЛЛАТИМИЗНИНГ БУЮК ФАРЗАНДЛАРИ ҚАТЛ ЭТИЛГАН ЭДИ
78 views
04 October 2019 - 6:00

СССР Олий суди Ҳарбий коллегиясининг 1938 йил 4 октябрдан 16 октябргача бўлган сайёр йиғилишларида 507 нафар ўзбекистонлик сиёсий маҳбуслар устидан ҳукм чиқарилган. Ҳарбий Коллегиянинг 1938 йил 4 октябрдаги йиғилишида отув жазосига ҳукм қилинганлар рўйхатини кўздан кечирар эканмиз, улар орасида Раҳим Иноғомов, Усмонхон Эшонхўжаев, Рустам Исломов, Файзулла Раҳимбоев, Акбар Исломов, Саъдуллахўжа Турсунхўжаев каби давлат ва жамоат арбоблари, Абдулла Қодирий, Абдулҳамид Чўлпон, Абдурауф Фитрат каби халқнинг ардоқли шоир ва ёзувчилари, Ғози Олим Юнусов, Қаюм Рамазон, Отажон Ҳошимов, Мажид Қодиров, Зиё Саидов каби адабиётшунос олимлар ҳам борлигини кўрамиз. Улар ҳукм чиқарилган куниёқ, 1938 йилнинг 4 октябрида, қатл этилган. Бу мудҳиш кундан олдинроқ Мунаввар Қори, Боту қатл этилган эди, кейинчалик шаҳидлар сафига Усмон Носир каби миллатнинг беназир ўғлони қўшилди.

Ўзбек халқининг буюк фарзандлари хотираси олдида бош эгайлик. Охиратлари обод, руҳлари шод бўлсин!

Манба: facebook.com