ХОТИРА

ХОТИРА
86 views
06 October 2019 - 16:38

Машъум октябрь. 81 йил аввал худди шу кунлари миллатимизнинг энг зиёли фарзандлари, миллатпарпарвар фидоийлари отилган.

Фақат отилгангина эмас, мурдалари умумий қабрга кўмиб, теккислаб , бирор белги қўйилмай йўқ қилиб ташланган.

2016 -йил Юдаков уй-музейида бир гурух ижодкорлар Абдурауф Фитратнинг қизи Севара опа билан учрашув уюштирган эдик. Суҳбат чоғида манфур тузум қурбони бўлган зиёли инсон ҳаёти ҳақида биз билмаган ва эшитмаган анча хақиқатларни билиб олдик.

Диққатингизни қуйидаги бир вароқ қоғозга қаратмоқчиман. Абдурауф Фитрат қамоққа олинганида уйидаги бор нарсалар рўйҳатга олиниб, мусодара қилинган экан. Уй жиҳозлари майли(зеро, рўйхатда кўзга кўрингулик жихознинг ўзи йўқ), ички кийимлар, эски дастрўмолча, болаларнинг иштончасигача мусодара қилиб олиб кетганлар, уларга шундай буйруқ берганлар нақадар тубан одамлар бўлишган…

…Шунақа қилишмаса ҳам бўлмасдида! Кимсан, XX аср ўзбек адабиёти, фани ва маданиятининг йирик вакили, қомусий билимга эга олим, адабиёт назариячиси, ўткир тилшунос, бетакрор драматург ва шоир, жанговар публицист, ношир ва журналист, талантли давлат ва жамоат арбобидан ҳеч қандай из қолмаслиги, унинг оиласи ҳам йўқсилликда, қашшоқликда йўқ бўлиб кетиши керак эди.

Қуйида ўша рўйхат ва Абдурауф Фитратнинг 1938 -йили олинган сўнги суратидир. Суратнинг асли Ўзбекистон МХХ нинг архивида 4269 тартиб рақамдаги жилдда сақланади.

Муаззам Иброҳимова