Ҳолимга менинг

Ҳолимга менинг
97 views
05 April 2020 - 17:51

 

 

ҲОЛИМГА МЕНИНГ

Карам, айла, ё Раб, қудратли Субҳон,
Ғариб, ғамгин кечган ҳолимга менинг.
Ақлим, ҳайрондадир, дилда пушаймон,
Билмасликда кечган солимга менинг.

Маҳшарда бўлмасанг, сен менга далда,
Ё Раб, нечук бўлар, ишим шу ҳолда,
Имоним юкини етказган йўлда,
Йўлтўсар қўймагил, йўлимга менинг.

Дин қиличин, урсам, танда зўрим йўқ,
Муҳтожга нон берсам, қўлда зарим йўқ,
Бир фақирман, Сендан ўзга ёрим йўқ,
Ўзинг тасалли бер, кўнглимга менинг.

Истаса, тенг-тўшлар бошга олтин тож,
Фақирлик мулкидан менга бергин, бож,
Ё Тангрим, номардга этмагин муҳтож,
Тилагим, дуч этма, золимга мени(нг).

Ожизманам, Сендан ўзга кимим бор,
Ўз берган жонингга жабр этма, Жаббор,
Махдумқули айтар, карамли Ғаффор,
Боқма, қилганимга, феълимга менинг.

МАХДУМҚУЛИ

* * *
Туркманчадан Ислом Холбой ўзбекчалаштирди

facebook.com