Бир кўриб кетса, дошимдан

Бир кўриб кетса, дошимдан
27 views
07 April 2020 - 13:41

 

 

БИР КЎРИБ КЕТСА, ДОШИМДАН

Ҳамдам бўлиб, ичкин-ичкин сўрмаган,
На билсин, бир кўриб, кетса, дошимдан.
Комил бўлиб, жон қулоғин бермаган,
Англай билмас, ўтган ишни бошимдан.

Худо, сақла, балки сўнгда расвоман,
Дўсту ёрдан хорижу мосувоман.
Тангрим сендан юз етмиш минг ризоман,
Яхши-ёмон, ҳар не келса, бошимдан.

Эй, ҳақорат билан боққан бизлара,
Мажоз билиб, мункир бўлма, сўзлара.
Ҳалол луқма – ёруғлик бер, кўзлара,
Нафсни айир, еган нону ошимдан.

Арпа нони басдир, ёвғон – жанона,
Умр бақосидан тушма, таъмага,
Кўнгил турар, “Ҳув” деб суву осмона,
Қўл узсам, дер, кавуш, маҳси, пўшимдан.

Махдумқули, тотиб душманнинг нонин,
Ютмоқ бўлдим, ёмонларнинг заҳарин,
Ўтказибман йигитликнинг баҳорин,
Қутулмоқ йўқ қариликнинг қишидан.

МАХДУМҚУЛИ
* * *
Туркманчадан Ислом Холбой ўзбекчалаштирди

facebook.com