ОҚ КЎНГИЛДАН БИР ТИЛАК

ОҚ КЎНГИЛДАН БИР ТИЛАК
127 views
20 July 2020 - 14:53

Миразиз Аъзам ўзбек адабиётидаги энг оқ кўнгилли адиблардан бири. Ҳатто айтиш мумкин, Миразиз Аъзам – ўзбек адабиётининг оқ кўнглидир.

Унинг қуйидаги кичик тилагини эътиборингизга хавола қиламиз.

Набижон Боқийнинг “Қатлнома”сини ёпаман ва муаллифнинг иши тўғрисида ўйлайман:

бу китобни ёзиш учун киши юзлаб китоб, газета, журнал, минг-минг саҳифалардан ортиқ ҳужжатларни ўқиб, далилларни гуруҳлаб неча-неча қайднома дафтарларини тўлатиши керак, ахир!

Нақадар бир улкан вазифа муваффақият билан бажарилганини, шахсга сиғиниш давридаги одам ўлдириш идорасининг машъум, муҳташам ва баҳайбат панорамаси яратилганини тасаввур қиламан, бугун учун, келажак авлодлар учун шаҳид кетган буюкларимизнинг номларини кўз қорачиғидай асрашга ундовчи мўътабар далиллар мажмуаси, балки монументи кўтарилганидан юрагим ғурур билан тўлади.

Мен бу муаллифга халқ ёзувчиси ва тарих профессори унвони берилишини сўраб юксак идораларимизни беҳаловат қилгим келмайди.

Лекин ўзимизнинг камтарона ташкилотимиз – Ўзбекистон Ёзувчилар Уюшмаси “Қатлнома”ни энг камида ҳужжатли публицистика соҳасида яратилган ЙИЛ КИТОБИ номи билан қутлашини истайман.

Миразиз АЪЗАМ

Манба: facebook.com