Биринчи ярим йилликда Ўзбекистондан 4700 дан зиёд киши кўчиб кетди

Биринчи ярим йилликда Ўзбекистондан 4700 дан зиёд киши кўчиб кетди
29 views
30 July 2020 - 14:51

Жорий йилнинг илк олти ойи давомида Ўзбекистондан хорижий давлатларга кўчиб кетганлар сони 4710 кишини ташкил этди. Бу ва демографияга оид бошқа рақамлар Давлат статистика қўмитасининг галдаги ҳисоботида акс этган.

Ҳисоботга мувофиқ, ҳудудлар кесимида энг кўп Қорақалпоғистондан (1460 киши), Тошкент вилоятидан (1274 киши) ва Тошкент шаҳридан (1132 киши) кўчиб кетишган.

Одам энг оз кўчган вилоятлар орасида эса Давстатқўм Сурхондарё (22 киши) ва Бухоро (28 киши) вилоятларини кўрсатган.

Қайд этилишича, ўзбекистонликлар асосан Қозоғистон (2770 киши) ва Россияга (1737 киши) кўчиб кетишган. Бундан ташқари, Ўзбекистон ватандошлари кўчиб кетган мамлакатлар орасида Исроил (37 киши), Қирғизистон (28 киши), Тожикистон (18 киши) ва бошқа давлатларга (120 киши) ҳам бор.

Манба: ozodlik.org