ХУШХАБАР

ХУШХАБАР
179 views
26 August 2020 - 23:50

Бугун ёш олим ва шоир Акром Малик озод қилинаяпти.

Шундай мужда келди Тошкентдан.

Айтилишича, Бобомурод Абдуллаев билан бўлгани каби, бу сафар ҳам сиёсий маҳбуснинг озод қилиниши тўғридан президент Шавкат Мирзиёевнинг буйруғи билан амалга ошмоқда.

Олган хабаримиз рост бўлса бу ҳар нарсадан аввал Ўзбекистон ҳукуматининг, биринчи навбатда президент Шавкат Мирзиёевнинг ички сиёсатда жиддий ўзгаришлар босқичига йўналаётганининг ишорати каби кўриниши мумкин.

Бу ҳаракатлар тенденцияга айланиб орқага қайтмайдиган тус олганда эса биз узоқ йиллардан бери орзу қилган сиёсий ислоҳотларнинг бошланганига гувоҳ бўлишимиз мумкин.

Бошланган бу ижобий жараён яқинда Қозоғистондан экстрадиция этилиб, Тошкентда тухмат асосида хибс этилган “эрк”чи муаллим Ҳуррам Бердиев ва ҳур фикри учун тўрт йилдан бери қамоқда ушланаётган Рустам Абдумавлонов, сохта айблар билан қамалган кўплаб диндорларнинг ҳам озод қилинишига умид уйғотмоқда.

Муҳаммад Солиҳ