Тўғрисўз инсон

Тўғрисўз инсон
942 views
20 June 2021 - 12:13

Тўғрисўзлик бугунги жамият одамлари ҳаётларидан топиш қийин бўлган жиҳат. Тўғрисўз инсон ҳеч қаерга сиғмайди: уйига ҳам, ишига ҳам, Ватанига ҳам, дунёсига ҳам. Тўғрисўз инсоннинг ягона чораси бор: курашиб яшамоқ.
“Тўғрилик – камтарликдан устундир”- дейди бугунги замон адиби.
Тўғрисўз инсон ҳамиша адл турса атрофидаги бир қанча кичик тўдаларни енга олади. Ўнлаб кичик тўдалар ҳарчанд чиранмасинлар биргина тўғрисўз инсонни ҳатто ғирромлик қилиб бўлса-да енга олишмайди. Шу боис тўғрисўз инсоннинг қуршови кенгая боради.
Тўғрисўз инсон ҳаёти давомида янги-янги рақибларга йўлиқаверади.
Алал-оқибат тўғрисўз инсон бирор рағбат эвазига курашдан чиқарилади, маслаги ўлдирилади, руҳи кишанланади ёки ғозийликни бўйнига олиб ўлим топади.
Жамият тўғрисўз инсонларни ёқтирмайди, қабул қилмайди аммо жамият тўғрисўз инсонларга муҳтож.
Тўғрисўз инсонлар – жамиятнинг энг оғир яраларини даволовчи табиблардир.

19.06.2021
“Гулхан атрофидаги ўйлар”дан.