ЎХҲ Матбуот Бўлимининг йиғилиши ҳақида

ЎХҲ Матбуот Бўлимининг йиғилиши ҳақида
108 views
29 January 2012 - 13:24

Шу йилнинг 28 январь шанба куни ЎХҲ Матбуот Бўлимининг кенгайтирилган йиғилиши бўлиб ўтди. Йиғилишни Матбуот Бўлими раҳбари Намоз Нормўмин бошқарди. Йиғилишда Матбуот бўлимининг Швециядаги вакиллари Муҳаммадсолиҳ А., Қудрат Бобожон, Тўлқин Қораев, Йўлдошжон, Ҳасанжон, Норвегиядан Мақсуд Бекжон ва Уйғунжон, Канададан Улуғбек Ҳайдаров ва Пирмуҳаммад Холматов, Туркиядан Алибой Йўляхшилар қатнашди.
Йиғилиш кун тартибида ЎХҲ оммавий ахборот воситаларининг фаолиятини такомиллаштириш, берилаётган мақолалар, видео ва аудио материалларнинг сонини ошириш, айни пайтда уларнингсифатини яхшилаш. Ўзбекистон аҳолисига ЎХҲ ғоя ва мақсадларини кенг кўламда етказишга уриниш каби масалалар муҳокама қилинди. Йиғилишда қатнашганлар ЎХҲ Матбуот бўлими ўзининг фаолятини яхшилашга уринаётгани, бу мақсадда http://www.uzxalqharakati.com/ сайти рус ва турк тилларда ҳам фаолиятига бошлагани, http://www.facebook.com/uzxalqharakati саҳифасида ҳаракат тарафдорлари сонининг тобора ортиб бораётганини таъкидлашди. Шу билан бирга http://turkiston.tv/ нинг фаолиятини янада жадаллаштириш ва радио дастурларининг ҳам давомийлигига эришишнинг бугунги кун талаби эканлиги айтиб ўтилди.
Йиғилиш иштирокчилари кейинги вақтда Ислом Каримовнинг диктатура режими ва бу золим режим билан ҳамкорлик қилаётган сохта мухолифатчиларнинг ЎХҲ қарши иғво, фитна, туҳмат ва қоралаш компаниясини бошлатганларини, бу ўз ўрнида ҳаракатнинг тўғри йўлда эканлигига ишоратлигини ҳам таъкидладилар. Бундай фитна ва фасодларга қарши Ҳаракатнинг ҳуқуқий ва ахлоқий қоидалари чегарасида жавоб бериш лозимлиги айтиб ўтилди.

ЎХҲ Матбуот Бўлими